ആളുകളെ മറ്റുള്ളവരുമായി അകറ്റുന്ന ഒരു വസ്തുവായി മാറിയിരിക്കുകയാണ് ഹെഡ്സെറ്റ്.. ആളുകളോട് സംസാരിയ്ക്കാതെ ഹെഡ്സെറ്റ് ചെവിയിൽ തിരുകി നിങ്ങൾക്ക് ഒരു ബന്ധം അവസാനിപ്പിക്കാം.. ചുറ്റുമുള്ള ഒരുപാട് ആളുകളെ അകറ്റാം.. സ്വന്തമായി ഒരു ലോകത്തേക്ക് ചേക്കേറാം..ഇങ്ങനെ ഹെഡ്സെറ്റ് സദാസമയം ചെവിയിൽ തിരുകിയിരിക്കുന്നവരുണ്ട്. ഇവരെ കാത്തിരിക്കുന്നത് വലിയ പ്രശ്നങ്ങളാണ്.

സ്ഥിരമായി ഹെഡ്സെറ്റ് ഉപയോഗിക്കുന്നത് കേള്കവിക്കുറവ് ഉണ്ടാക്കും എന്നത് എല്ലാവര്ക്കും അറിയാവുന്ന കാര്യമാണ്. എന്നാൽ മറ്റൊരു പ്രശനം ചെവിക്കയവുമായി ബന്ധപ്പെട്ടതാണ്. സാധാരണയായി ചെവിയിൽ ചെവിക്കായം ഉണ്ടായി കാണപ്പെടുന്നത് ചെവിയുടെ കനാലിന്റെ പുറത്തായിട്ടാണ്.

അതുകൊണ്ട് തന്നെ ഇയർബഡ്‌സ് ഉപയോഗിക്കാത്ത ആളുകളുടെ ചെവിക്കായം ഉള്ളിലേക്ക് പോകാനുള്ള സാധ്യതയും കുറവാണ്. ചെവിക്കായം ഉള്ളിലേക്ക് പോകാതിരിക്കാനാണ് ഇയർബഡ്‌സ് ഉപയോഗിക്കരുത്ത് എന്ന് പറയുന്നത്. എന്നാൽ ഇയർബഡ്‌സ് ഉപയോഗിച്ചില്ലെങ്കിലും ഹെഡ്സെറ്റ് ഉപയോഗം കൊണ്ട് ചെവിക്കായം ഉള്ളിലേക്ക് പോകും.

ഹെഡ്സെറ്റ് ഉപയോഗിക്കുന്നയാളും, വാക്സ് കൂടുതൽ ഉണ്ടാകുന്നയാളും കൂടിയാണെങ്കിൽ, ചെവിക്കായം ഉള്ളിലേക്ക് കയറി പോകുവാനുള്ള സാധ്യത ഉണ്ട്. ചെവിയുടെ ഉള്ളിലേക്ക് ഇറങ്ങുന്ന ഇയർ പീസ് ചെവിക്കായത്തെ തള്ളി അകത്തേയ്ക്ക് ഇറക്കും.

ചെവിയുടെ കനാലിന്‌ ഉൾഭാഗങ്ങൾ വളരെ വേദനാജനകമാണ്. അവിടെ ചെവിക്കായം അടിഞ്ഞു കൂടുതലാണെങ്കിൽ പിന്നെ പുറത്തെടുക്കുവാൻ കൂടുതൽ ബുദ്ധിമുട്ടാണ്. നിങ്ങൾക്ക് വർഷത്തിൽ ഒരുപാട് തവണ ഇ എൻ ടി ഡോക്ടറെ കാണേണ്ട അവസ്ഥയാകും. അതുകൊണ്ട് ഹെഡ്സെറ്റ് ഉപയോഗം പരമാവധി കുറയ്ക്കുക.