സ്ത്രീകൾ പൊതുവെ വളരെ ആർഷണീയരാണ് പുരുഷന്മാരുടെ മനസ്സിൽ. എന്നാൽ അവർ വെറുക്കുന്ന ചില സ്വഭാവങ്ങളും സ്ത്രീകളിൽ ഉണ്ട്. ഒരു നാണയത്തിനു രണ്ടുവശങ്ങൾ ഉണ്ടല്ലോ. പുരുഷന്മാർക്ക് നിങ്ങളെക്കുറിച്ച് പൊതുവെയുള്ള ചില അനിഷ്ടങ്ങൾ പങ്കുവയ്ക്കാം. ഇതിനർത്ഥം നിങ്ങൾ എന്നും അവർക്ക് വെറുക്കപ്പെട്ടവരാണെന്നല്ല. ഈ പെരുമാറ്റ രീതികൾ നിങ്ങൾക്കുണ്ടോ എന്ന് പരിശോധിച്ച് മാറ്റിയെടുക്കാവുന്നതേയുള്ളു. 

ജീവിതത്തിലെ ഓരോ ഒഴിവു നിമിഷങ്ങളും പുരുഷൻ  നിങ്ങളോടൊപ്പമുണ്ടാകുമെന്ന് നിങ്ങൾ പ്രതീക്ഷിക്കുമ്പോൾ അത് വളരെ വെറുപ്പാണ് അവർക്ക് ഉണ്ടാക്കുന്നത്. അവരുടേതായ കാര്യങ്ങൾക്ക് സമയം ചിലവഴിക്കാൻ അനുവദിക്കുക. ഒരുമിച്ച് സമയം ചെലവഴിക്കുന്നത് വളരെ നല്ലതാണ്, പക്ഷേ നിങ്ങളുടെ ബന്ധത്തിനായി അവർ സുഹൃത്തുക്കളെയും ഹോബികളെയും ഒഴിവാക്കുമെന്ന് പ്രതീക്ഷിക്കരുത്. നിങ്ങളുടെ പങ്കാളി ഒരു സ്വതന്ത്ര  വ്യക്തിയാണ്. അവന് അവന്റേതായ ഇടം നൽകുക.

ചെറിയ കാര്യങ്ങളിൽ വളരെയധികം വികാരങ്ങൾ പ്രകടിപ്പിക്കുന്നത് പുരുഷന്മാർക്ക് ഇഷ്ടമല്ല. അവർക്കത് ഒരു നാടകമായാണ് അനുഭവപ്പെടുക. അതിനാൽ, കരയുകയോ ഒരു രംഗം സൃഷ്ടിക്കുകയോ  ചെയ്യണമെന്ന് നിങ്ങൾക്ക് തോന്നുമ്പോഴെല്ലാം, ഇത് ശരിക്കും മൂല്യവത്താണോ എന്ന് സ്വയം ചോദിക്കുക.

വളരെയധികം സംസാരിക്കുന്നത് അവർ വെറുക്കുന്നു. നിസ്സാരമായി സംസാരിക്കുമ്പോഴോ അല്ലെങ്കിൽ വളരെ നിസ്സാരമായ കാര്യങ്ങളിൽ ചിരിക്കുമ്പോഴോ മിക്ക പുരുഷന്മാരും അതിനെ വെറുക്കുന്നു. അവർ അർത്ഥവത്തായി സംസാരിക്കുന്നവരെ ആഗ്രഹിക്കുന്നു. 

എപ്പോഴും വിളിക്കുന്നത് ആദ്യമൊക്കെ മധുരമായിരിക്കും. എന്നാൽ എല്ലാ ദിവസവും, ഇപ്പോഴും  ഫോൺ കോളുകളും സന്ദേശങ്ങളുമായി വീർപ്പുമുട്ടിക്കുന്നത് അസഹനീയമാണ്.

നിങ്ങളുടെ പങ്കാളി  ഇതുവരെ ചെയ്‌തിട്ടില്ലാത്ത എല്ലാ കാര്യങ്ങളെക്കുറിച്ചും പറഞ്ഞ്  അവഹേളിക്കുന്നതിനുപകരം ഒരിക്കൽ സഹായിച്ചതിന് നന്ദി പറഞ്ഞാൽ നിങ്ങൾക്ക് മികച്ച ഫലങ്ങൾ ലഭിക്കും. അല്ലാതെ ചെയ്യാത്ത കാര്യങ്ങൾക്ക് പരാതി പറയുന്നത് അവർക്ക് വെറുപ്പാണ്. 

അനുവാദമില്ലാതെ അവന്റെ കാര്യങ്ങളിലൂടെയോ ഫോണിലൂടെയോ നോക്കുന്നത് ഒരു വലിയ പ്രശ്നമാണ്. നിങ്ങളുടെ  ജിജ്ഞാസ കാരണം അവർ  നിങ്ങളെ കുറച്ചുകൂടി അവിശ്വസിക്കുകയും കൂടുതൽ രഹസ്യ സ്വഭാവം പ്രകടിപ്പിക്കുകയും ചെയ്യും. 

നിങ്ങളുടെ മോശം കാര്യങ്ങൾ  പങ്കാളി മറ്റുള്ളവരോട്  പറഞ്ഞാൽ ഇഷ്ടപ്പെടുമോ? നി ചില സ്ത്രീകൾക്ക് പങ്കാളികളെ തരംതാഴ്ത്തുന്നതിൽ നിന്ന് ഒരു സന്തോഷം ലഭിക്കുന്നുണ്ടെന്ന് തോന്നുന്നു. ഇത് വളരെ മോശമാണ്. നിങ്ങൾ കൂടുതൽ കരുതൽ അവർക്ക് നൽകണം.

എന്താണ് ചിന്തിക്കുന്നത് എന്ന ചോദ്യം ഒരു പുരുഷനും ഇഷ്ടമില്ല.ഏത് സമയത്തും നിങ്ങൾ അവന്റെ ചിന്തകൾ അറിയണമെന്ന് വാശി പിടിക്കരുത് . അത്  നിങ്ങൾ അറിയണമെന്ന് അവൻ ആഗ്രഹിക്കുന്നുവെങ്കിൽ, നിങ്ങളോട് തന്നെ പറയും. അതുകൊണ്ട് കൂടുതൽ കൗതുകം പ്രകടിപ്പിക്കരുത്. 

അമിതമായി മെയ്ക്കപ്പ് ചെയ്യുന്ന സ്ത്രീകളെ പുരുഷന് ഇഷ്ടമില്ല. ചെറിയ മെയ്ക്കപ്പ് പോലും അവർക്ക് അത്ര താല്പര്യമില്ല.  മിതമായ മേയ്ക്കപ്പും അധികം ആഡംബരങ്ങൾ ഇല്ലാത്ത വേഷങ്ങളും അവർക്കിഷ്ടപ്പെടുന്നു.