ചിലരുടെ പ്രധാന പ്രശ്നമാണ് അമിതമായ വിയർപ്പ്. വെറുതെ ഇരിക്കുമ്പോൾ പോലും അമിതമായി വിയർക്കുന്ന ഒരവസ്ഥ.ശരീരം കൂടുതലായി വിയർക്കുന്ന ഈ അവസ്ഥയെ ഹൈപ്പർഹിഡ്രോസിസ് എന്ന പേരിലാണ് വിളിച്ചു വരുന്നത്.അങ്ങനെ നിസാരമായി ഈ പ്രശ്നത്തെ വിട്ടുകളയാനും പറ്റില്ല. പുറത്ത് പോകുമ്പോളൊക്കെ ഇങ്ങനെ സംഭവിക്കുമ്പോൾ ഇത് മാനസികമായി പോലും പ്രശ്നങ്ങൾ സൃഷ്ടിക്കും. ആദ്യം തന്നെ ഈ വിയർപ്പിന്റെ കാരണം നോക്കാം.

ശരീരത്തിൽ ഒട്ടേറെ വിയർപ്പ് ഗ്രന്ഥികളുണ്ട്. എക്രൈൻ ഗ്രന്ഥികൾ എന്നറിയപ്പെടുന്ന ഇവ ഏതെങ്കിലും കാരണത്തിൽ ശരീരത്തിൽ ചൂടുണ്ടാകുമ്പോൾ വിയർപ്പ് പുറപ്പെടുവിപ്പിക്കും. മാത്രമല്ല,  ഭയം, ടെൻഷൻ, സമ്മർദ്ദം ഒക്കെയും വിയർപ്പിന് കാരണമാണ്. ഒരാളുടെ പ്രായത്തെയും ജീനുകളെയും ആശ്രയിച്ചാണിതൊക്കെ ഇരിക്കുന്നത്. ചില പൊടികൈകൾ കൊണ്ട് അമിത വിയർപ്പ് നിയന്ത്രിക്കാം.

ഉരുളക്കിഴങ്ങ് നല്ലൊരു മാർഗമാണ്.വിയർപ്പുണ്ടാകുന്ന ഭാഗങ്ങളിൽ ഒരുകഷ്ണം ഉരുളക്കിഴങ്ങ് ഉരസാം. തണുത്ത വെള്ളത്തിൽ കഴുകിയാൽ മതി.ഉരുളകിഴങ്ങ് ജ്യൂസ്‌ ആക്കിയോ പിടിച്ചോ തുണിയിൽ പൊതിഞ്ഞും ഉപയോഗിക്കാം.

ഉരുളക്കിഴങ്ങിനെക്കാൾ ഫലപ്രദമാണ് നാരങ്ങ.ഒരു കഷ്ണം നാരങ്ങ മുറിച്ച് വിയർപ്പുള്ള ഭാഗത്ത് ഉരസുകയും അതല്ലെങ്കിൽ നാരങ്ങ നീരിൽ ബേക്കിംഗ് സോഡാ ചേർത്ത് തുണിയിൽ മുക്കി ഉപയോഗിക്കാം.

ശരീരഭാഗങ്ങളുടെ പി.എച്ച് അളവ് കുറച്ചു കൊണ്ട് ശരീരത്തെ വിയർപ്പിൽ നിന്ന് സംരക്ഷിക്കാൻ ബേക്കിംഗ് സോഡാ സഹായിക്കുന്നു. ശരീരത്തിൽ വിയർപ്പ് കുറയ്ക്കുക മാത്രമല്ല ഇത് ചെയുന്നത്.വിയർപ്പിന്റെ ദുർഗന്ധവും ശമിപ്പിക്കും.