രാവിലെ എഴുന്നേൽക്കുന്ന കാര്യം വലിയ ബുദ്ധിമുട്ട് തന്നെയാണ് മിക്കവർക്കും. ഒരു മൂന്നു വട്ടമെങ്കിലും അലാറം സ്നൂസിലാക്കി തിരിഞ്ഞു കിടക്കും. ആകെ ക്ഷീണമെന്നും ജോലിയുടെ ആലസ്യമെന്നുമൊക്കെ ഒഴിവുകഴിവുകൾ പറയാം.. രാവിലെ എങ്ങനെയെങ്കിലും ഉണർന്നാൽ പിന്നെ ഫോണിലും സമൂഹ മാധ്യമങ്ങളിലുമാണ് കണ്ണ്. ഒരു ദിനം തന്നെ ഇല്ലതാക്കുന്ന ശീലങ്ങളാണ് ദിവസേനെ നമ്മളിൽ പലരും ചെയ്യുന്നത്. രാവിലെ എണീറ്റാലുടൻ നിർബന്ധമായും ചെയ്യാൻ പാടില്ലാത്ത ചില കാര്യങ്ങളുണ്ട്. 

ആദ്യം തന്നെ അലാറം സ്നൂസ് ചെയ്യുന്നത് ഒഴിവാക്കുക.. പത്തു മിനിറ്റ് വീതം ഉറങ്ങുന്നത് സത്യത്തിൽ ക്ഷീണമകറ്റില്ല, കൂടുതൽ ശാരീരിക ബുദ്ധിമുട്ടുകൾ സമ്മാനിക്കുകയെ ഉള്ളു. അതുകൊണ്ട് എത്ര പരിശ്രമിച്ചിട്ടാണെങ്കിലും സ്നൂസ് ചെയ്യുന്നത് ഒഴിവാക്കുക. 

ഉണർന്ന പാടെ നേരെ ഫേസ്ബുക്കിലേക്ക്, അല്ലെങ്കിൽ ഇമെയിൽ പരിശോധന, ഇതൊക്കെയാണ് പലരുടെയും പതിവ്. ഇതെത്ര മാത്രം നിങ്ങളുടെ ജീവിത ശൈലിയിൽ അപകടകരമായി ബാധിക്കും എന്നറിയാമോ? സമൂഹ മാധ്യമങ്ങളിൽ വരുന്ന വാർത്തകളിൽ അധികവും മനുഷ്യന് ഉണർച്ച നൽകുന്ന തരത്തിൽ ഉള്ളതല്ല. കുറ്റകൃത്യങ്ങൾ നിറഞ്ഞ ഇത്തരം വാർത്തകൾ കണ്ട മനസ് മുഷിഞ്ഞാണ് തുടക്കം തന്നെ. ഇതൊക്കെ നിങ്ങളുടെ പ്രൊഡക്ടിവിറ്റി കുറയ്ക്കുന്ന  കാര്യങ്ങളാണ്. 

ഉണർന്നാലുടൻ ചെയ്യാനുള്ള കാര്യങ്ങളിലൂടെ കടന്നുപോകാൻ എല്ലാവരും പറയും. പക്ഷെ അതൊരു നല്ല കാര്യമല്ല. കാരണം  ഉണർന്നു ഫ്രഷ് ആകും മുൻപ് നിങ്ങൾ സമ്മർദ്ദത്തിലേക്കാണ് പോകുന്നത്. അത് ചെയ്യാനുണ്ടല്ലോ, ഇത് ചെയ്യാനുണ്ടല്ലോ എന്ന് ആകെ കൺഫ്യൂഷൻ..

അതിനു പകരം ഉണർന്നാലുടൻ ഒന്ന് നടു നിവർത്തി വ്യായാമമൊക്കെ ചെയ്ത് ഒന്ന് ശരീരത്തെ ഉണർത്തണം. പ്രാധാന്യമുള്ള കാര്യങ്ങളിലൂടെ വേണം കടന്നു പോകാൻ.

മറ്റൊന്ന് പ്രഭാത ഭക്ഷണം വളരെ ശ്രദ്ധിക്കണം. ആരോഗ്യപരമല്ലാത്ത ഭക്ഷണങ്ങൾ പ്രഭാതത്തിൽ ഒഴിവാക്കണം. കാപ്പി കുടിച്ച് തുടങ്ങണം എന്ന് നിർബന്ധമുള്ളവർ ഉണ്ട്. ഉണരുമ്പോൾ തന്നെ കാപ്പി വേണ്ട. അത് നിങ്ങളുടെ പ്രഭാതത്തിലെ മൂഡിനെ സ്വാധീനിക്കുമെന്ന് പറയപ്പെടുന്നു.ഒരു ഗ്ലാസ്‌ വെള്ളം കുടിച്ച് തുടങ്ങു.ഉണർവ്വുണ്ടാകും.

എന്നും ഉണരുമ്പോൾ ഒരുപാട് ചിന്തകളിലേക്ക് പോകരുത്. അത് ഉറങ്ങും മുൻപോ ഞായറാഴ്ചയോ പ്ലാൻ ചെയ്യണം. ഇടാനുള്ള വസ്ത്രമൊക്കെ തിരഞ്ഞും ആലോചിച്ചും സമയം കളയുന്നത് ഒഴിവാക്കിയില്ലെങ്കിൽ മൂഡ് മുഴുവൻ നഷ്ടമാകും. ഈ അഞ്ചു കാര്യങ്ങൾ ഒന്ന് മാറ്റിപിടിക്കു.. പ്രഭാതത്തിൽ തന്നെ അടിപൊളിയാകാം..