സ്വയം നശിപ്പിക്കുന്ന ഒരു പ്രവണതയാണ് പുകവലി എന്ന് ഒറ്റവാക്കിൽ പറയാം. കാരണം തുടങ്ങി കഴിഞ്ഞാൽ അതിനൊരു അവസാനം പലരിലുമില്ല. ഒന്നെങ്കിൽ കാൻസർ പോലെയുള്ള മാരക രോഗങ്ങൾ കൊണ്ടുള്ള മരണത്തിലാവും ഒടുക്കം. അതൊക്കെ അറിയാം, പാക്കറ്റിന്റെ പുറത്ത് വരെ മുന്നറിയിപ്പുണ്ട്, ഒരു സിനിമ കണ്ടാൽ അതിലുണ്ട് മുന്നറിയിപ്പ്, എന്നാൽ പോലും ആരും സ്വയം പുകവലി നിർത്താൻ ശ്രമിക്കാറില്ല. അങ്ങനെ അംഗ നിർത്താൻ പറ്റുന്നില്ല എന്ന് പറയാം. പക്ഷെ എന്തുകൊണ്ട് എന്ന് ചിന്തിച്ചിട്ടുണ്ടോ? അത് നിങ്ങൾ മാനസികമായി തയ്യാറെടുക്കാത്തതിന്റെ പ്രശ്നമാണ്. എങ്ങനെ പുകവലി അവസാനിപ്പിക്കാം എന്ന് നോക്കാം..

സ്വന്തം ഭാവി, ജീവിതം ഇതൊക്കെ ചിന്തിക്കുന്നതാണ് ഏറ്റവും ഉത്തമം..കാരണം സ്വയം ചിന്തിക്കാനുള്ള കഴിവ് പലർക്കും ഇത്തരം കാര്യങ്ങളിൽ ഇല്ല. അങ്ങനെയൊരു ചിന്ത ഉണ്ടായാൽ അതിലും വലിയ മോട്ടിവേഷൻ വേറെ വേണ്ടാ..

ഒരു തീരുമാനം എടുത്താൽ അതിൽ ഉറച്ച് നിൽക്കുക. എല്ലാ കാര്യങ്ങളിലും അങ്ങനെയാണ് വേണ്ടത്. പുകവലി നിര്‍ത്തുകയാണെന്ന് പ്രതിജ്ഞയെടുക്കുന്നതോടൊപ്പം അതിനായി മനസ്സുകൊണ്ട് തയ്യാറെടുക്കുകയും വേണം.എന്നാല്‍ മാത്രമെ പരിശ്രമം കൊണ്ട് ഫലമുണ്ടാവുകയുള്ളു.

പുകവലിക്കാനുള്ള കാരണങ്ങൾ തിരിച്ചറിയുക. ചിലർക്ക് മാനസിക സമ്മർദ്ദമാകാം.നിരാശയാകാം..അങ്ങനെ എന്താണ് കാരണമെന്നു അറിയുക.. അതിനെ പരിഹരിക്കാൻ നോക്കുക. അല്ലാതെ ഒരു പ്രശ്നത്തിന് മറ്റൊരു പ്രശ്നമല്ല ഉപപാധി.

ഒരു ചെറിയ പഫ് പോലും നമ്മുടെ ശരീരത്തിന് ദോഷം ചെയ്യുമെന്നതാണ് സത്യം. അതുകൊണ്ട് നിർത്താൻ ഉദ്ദേശിക്കുമ്പോൾ അങ്ങനെ നിർത്തുക.

പുകവലി വിരുദ്ധരെ കൂട്ടുപിടിച്ചാൽ കുറെയൊക്കെ മാറ്റമുണ്ടാകും. പലരും ഒരു കൂട്ടായും കൂട്ടിനുവേണ്ടിയുമൊക്കെ വലിക്കുന്നവരാണ്. പുകവലിക്കാന്‍ തോന്നുമ്പോള്‍ ഇപ്പോള്‍ വേണ്ടെന്ന് ചിന്തിക്കുക. ഇത് ഓരോ സിഗററ്റെടുക്കുന്നതിന്റെയും സമയപരിധി കൂട്ടും.

മാനസിക സമ്മര്‍ദ്ദമാണ് പുകവലിക്ക് കാരണമെങ്കിൽ കുറയ്ക്കാന്‍ മറ്റുമാര്‍ഗ്ഗങ്ങള്‍ തേടുന്നത് നല്ലതാണ്. ബോളുകള്‍ കയ്യില്‍ വച്ചു മസ്സാജുചെയ്യുന്നതും, ദീര്‍ഘശ്വാസമെടുക്കുന്നതും, ശരീരത്തില്‍ മസ്സാജ് ചെയ്യുന്നതും സമ്മര്‍ദം കുറയ്ക്കാനുള്ള മാര്‍ഗ്ഗങ്ങളാണ്.

ഒന്നും സാധിക്കാതെ വരുമ്പോൾ അതായത് സ്വയം നിയന്ത്രിക്കാവുന്ന പരിധികൾ കഴിയുമ്പോൾ ഒരു കൗണ്സിലിംഗിന് പോകുക. പുകവലി ഉപേക്ഷിക്കുമ്പോഴുണ്ടാകുന്ന വൈകാരികമാറ്റങ്ങള്‍ നിയന്ത്രിക്കാനും ഡോക്ടര്‍മാരുടെ സേവനം തേടുന്നതും നല്ലതാണ്.നടക്കാനിറങ്ങുന്നതും, കൂട്ടുകാരുമായി സംസാരിച്ചിരിക്കുന്നതും, പഠിക്കാനിഷ്ടമുള്ള കാര്യങ്ങളില്‍ വ്യാപൃതനാകുന്നതും നല്ലതാണ്.

പുകവലിക്കാൻ തോന്നുമ്പോൾ മറ്റെന്തെങ്കിലും ചവയ്ക്കാനോ കഴിക്കണോ ശ്രമിക്കാം. മനുഷ്യൻ വിചാരിച്ചാൽ നടക്കാത്ത എന്താണ് ലോകത്ത് ഉള്ളത്?