ഇതൊക്കെയാണ് സ്ത്രീ സഞ്ചാരികൾക്കു സുരക്ഷിതമായ ഇന്ത്യയിലെ സഞ്ചാര കേന്ദ്രങ്ങൾ,അപ്പോൾ ഒരു സോളോ ട്രിപ്പ് പ്ലാൻ ചെയ്‌തോളൂ…

ഒരു ദിവസം ബാഗില്‍ പ്രിയമുള്ള വസ്ത്രങ്ങളും പുസ്തകങ്ങളുമൊക്കെയായി അങ്ങ് ദൂരെയൊരിടത്തേക്ക് ്ഒറ്റയ്‌ക്കൊരു യാത്ര പോകുക. സ്വപ്‌നങ്ങളെന്തെന്നൊരു പെണ്‍ മനസ്സിനോടു ചോദിച്ചാല്‍ അക്കൂട്ടത്തില്‍ തീര്‍ച്ചയായും ഉണ്ടാകും ഈ പുസ്തകം. സ്ത്രീയെന്ന സത്യത്തിന് സമൂഹം നല്‍കുന്ന ചട്ടക്കൂടില്‍ നിന്നൊതുങ്ങിയുള്ള ജീവിതത്തിനിടയില്‍ ഒരായിരം വട്ടം അവള്‍ അവിടെ പോയി വന്നിട്ടുണ്ടാകും.

മനസിൽ ഈ മോഹം ഒളിപ്പിക്കാത്ത, അടുത്ത ചങ്ങാതിയോട് എപ്പോഴും ഇതേക്കുറിച്ച് പറയാത്ത സ്ത്രീകള്‍ ആരാണുള്ളത്. വീട്ടിലൊന്നു വഴക്കിടുമ്പോള്‍ ഭീഷണിയായിട്ടെങ്കിലും പറയാത്തവര്‍ ചുരുക്കമാണ്. ഒറ്റയ്ക്കുള്ള യാത്ര ഒരു സ്ത്രീയെ സംബന്ധിച്ച് വലിയ വെല്ലുവിളിയാണ്. സുരക്ഷ തന്നെയാണു പ്രധാന പ്രശ്‌നം. ഒറ്റയ്ക്കുള്ള യാത്രയില്‍ നിന്ന് അവളെ തന്നെയും പിന്നെ അവള്‍ക്ക് ചുറ്റുമുള്ളവരേയും തടയിടുന്ന ഈ സുരക്ഷാ പ്രശ്‌നങ്ങളൊന്നുമില്ലാത്ത മനോഹരങ്ങളായ കുറേ യാത്രായിടങ്ങള്‍ ഇന്ത്യയില്‍ തന്നെയുണ്ടെന്ന് അറിയാമോ? ഇന്ത്യയുടെ വിനോദ സഞ്ചാര ഭൂപടത്തില്‍ മനോഹാരിത കൊണ്ടു കാലങ്ങളായി നമ്മെ മോഹിപ്പിക്കുന്ന സ്ഥലങ്ങള്‍ തന്നെയാണിവ.

ഋഷികേശ്, ഉത്തരാഖണ്ഡ്

ഗംഗയുടെ ഓളങ്ങള്‍ക്കു കാതോര്‍ത്ത് ഹിമവാന്‌റെ നിഴലിനോടു ചേര്‍ന്നു കഴിയുന്ന നാട്. അല്‍പം സാഹസികത ഇഷ്ടപ്പെടുന്നവര്‍ക്കും അതല്ലെങ്കില്‍ മനസ്സിനോടു മാത്രം സംസാരിച്ച് ഏകാന്തമായി കുറേ നേരം ഒരിടത്ത് ഇരിക്കാന്‍ ആഗ്രഹമുള്ളവര്‍ക്കും ഒരുപോലെ ചേരുന്നിടമാണ് ഋഷികേശ്.

ജയ്പൂര്‍, രാജസ്ഥാന്‍

സദാ തിളങ്ങുന്ന മരുഭൂമികളും, ചരിത്രമുറങ്ങുന്ന കോട്ടകളുമുള്ള രാജസ്ഥാന്‍ ഏഴു വര്‍ണത്തിലുമുള്ള വസ്ത്രമണിഞ്ഞ ആഭരണവിഭൂഷിതയായൊരു പെണ്ണിന്റെ ചിരിയോളം ഭംഗിയുണ്ട്. അതുകൊണ്ടു കൂടിയാകാം ജയ്പൂരും അതിനടുത്തുള്ള പുഷ്‌കറും ഉദയ്പൂരും ജെയ്‌സാല്‍മറുമൊക്കെ പെണ്‍ യാത്രകരുടെ ഏകാന്ത യാത്രകള്‍ക്കു പറ്റിയ ഇടമാണെന്നു പറയുന്നത്.

ഗോവ

തിരകളെ പോലെ ജീവിക്കുക… കാറ്റു പോലെ പാറി നടക്കുക… അങ്ങനെ ആഗ്രഹിക്കുന്നുവെങ്കില്‍ പോണ്ടിച്ചേരിയ്ക്കപ്പുറം മറ്റൊരു നാടില്ല. ഫ്രഞ്ചുകാരന്‍ കയ്യടക്കി വച്ചിരുന്ന നാട്ടില്‍ ഇപ്പോഴുമുണ്ട് അവരുടെ സംസ്‌കാരത്തിന്റെ ബാക്കിപത്രങ്ങളായി കെട്ടിടങ്ങളും കാഴ്ചകളും രുചികളും ഏറെ. ഫ്രഞ്ചിന്റെ സ്വാതന്ത്ര്യ മനോഭാവവും സ്ത്രീയോടുള്ള ഇന്ത്യന്‍ സംസ്‌കാരത്തിന്റെ കരുതലും ബഹുമാനവും കൂടിചേര്‍ന്നിടം കൂടിയാണിവിടം. രണ്ടു സംസ്‌കാരങ്ങളുടെ ചിന്തകളും പിന്നെ സഞ്ചാരികളുടെ ഒഴുക്കിന്റെ താളം തെറ്റരുതെന്ന അവിടുത്തെ ആളുകളുടെ നിലപാടുകളും സ്ത്രീ പുരുഷഭേദം ഇല്ലായ്മ ചെയ്യുന്നു. സ്ത്രീകള്‍ക്കു മാത്രമല്ല, ഒറ്റയ്‌ക്കൊരു യാത്ര കൊതിക്കുന്നവര്‍ക്കാര്‍ക്കും ധൈര്യമായി ചെന്നെത്താം പോണ്ടിച്ചേരിയിലേക്ക്.

കസോള്‍, ഹിമാചല്‍ പ്രദേശ്

അവിശ്വസനീയമായ, അഭൗമമായ സൗന്ദര്യമുള്ള ഇടങ്ങള്‍ ഇനിയും ഈ ലോകത്ത് അവശേഷിക്കുന്നുണ്ട്. ആരോ വരച്ചത്, അല്ലെങ്കില്‍ നമുക്ക് ചെന്നെത്താവുന്നതിനും അപ്പുറത്തുള്ളൊരിടം എന്ന ധാരണയില്‍ ചുവരിനൊരു അലങ്കാരമായി മാത്രം കണ്ട്് എങ്ങു നിന്നോ വാങ്ങിയ ചിത്രങ്ങള്‍ക്കു ജീവന്‍ വച്ചതു പോലുള്ളൊരിടം. ഹിമാചല്‍ പ്രദേശിലെ കസോള്‍ അങ്ങനെയുള്ളൊരിടമാണ്. പാര്‍വ്വതി മല നരികളുടെ ഭംഗിയില്‍ വിരിഞ്ഞൊരു നാട്.

ഹംപി, കര്‍ണാടക

ചരിത്രമുറങ്ങുന്ന ഹമ്പി യുനസ്‌കോയുടെ വേള്‍ഡ് ഹെറിറ്റേജ് സൈറ്റിലിടം പിടിച്ച നാടാണ്. ലോകം കാലത്തിനായി കാത്തുസൂക്ഷിക്കുന്ന ഇടമെന്നര്‍ഥം. ലക്ഷക്കണക്കിന് വിദേശികളാണ് ഓരോ വര്‍ഷവും ഇവിടേക്കെത്തുന്നത്. അതുകൊണ്ടു തന്നെ സുരക്ഷയുടെ കാര്യത്തിലും മുന്നിലാണ് ഹമ്പി. ഇന്ത്യന്‍ ആവാസ വ്യവസ്ഥയുടെ ചരിത്രമുറങ്ങുന്ന നാട്ടിലേക്കുള്ള യാത്ര അറിവു പകരും എന്നു മാത്രമല്ല, സ്വന്തം നാടിന്റെ ഇന്നലെകളെത്രയോ പ്രൗഢമായിരുന്നുവെന്നൊരു ഓര്‍മപ്പെടുത്തലും കൂടിയാകും

ലേ-ലഡാക്ക്

ത്രീ ഇഡിയറ്റ്‌സ് സിനിമയുടെ ക്ലൈമാക്‌സ് ഓര്‍മയില്ലേ. മലകളും പുഴയും അതിന്റെ തീരവും ആമിര്‍ഖാനും അയാള്‍ പറത്തിവിടുന്ന വിമാനും സ്‌കൂട്ടറില്‍ വിവാഹവേഷത്തില്‍ ആമിറിനെ കാണാനെത്തുന്ന കരീന കപൂറും…ഒക്കെ ഓര്‍ക്കുന്നില്ലേ. ആ രംഗങ്ങള്‍ ഷൂട്ട് ചെയ്തിടം ഈ ലേ-ലഡാക്ക് മേഖലയിലാണുള്ളത്. പര്‍വ്വതങ്ങളാല്‍ ചുറ്റപ്പെട്ട, പുഴകളുടെ തീരത്തുള്ള നാട് സാഹസികതകള്‍ ഇഷ്ടപ്പെടുന്നവര്‍ക്കും ഏകാന്തതയിഷ്ടപ്പെടുന്നവര്‍ക്കും വെറുതെയിങ്ങനെ പട്ടം പോലെ പാറിനടക്കാന്‍ കൊതിക്കുന്നവര്‍ക്കും ഏറെയിഷ്ടമാകും.

അല്പം മദ്യം അകത്തുചെന്നാൽ കാണാത്ത സ്വപ്നങ്ങളില്ല.. ആഗ്രഹങ്ങളും സ്വപ്നങ്ങളുമൊക്കെ ചിറകുവിടർത്തി പറക്കുമ്പോൾ ചിലരെങ്കിലും കൊതിച്ചിട്ടുണ്ടാകും മദ്യത്തിലങ്ങ് ആറാടിയാലോ എന്ന്.. അങ്ങനെ ചിന്തിക്കുന്നവർ വേഗം ബിയർപൂളിൽ കുളിക്കാൻ റെഡി ആയിക്കോളൂ. ഫാന്റസി ലോകം സങ്കല്പിക്കുന്നവർക്ക് മാത്രം സ്വപ്നം കാണാൻ കഴിയുന്ന ഒന്നാണ് കുടിക്കാനും കുളിക്കാനും ബിയർ കിട്ടുക എന്നുള്ളത്.. പക്ഷെ അങ്ങനെ ചിലതൊക്കെ ലോകത്ത് ഇപ്പോൾ സാധ്യമാണ്..മനുഷ്യന് അസാധ്യമായതെന്താണ് അല്ലെ? പ്രത്യേകിച്ച് ബിയറിന്റെ കാര്യം കൂടി ആകുമ്പോൾ..

ഓസ്ട്രിയയിലെ ടാരന്‍സിലുള്ള സ്‌ക്‌ളോസ് സ്ട്രക്കെൻബർഗർ ബ്രൂവറിയിലാണ് ഇങ്ങനെയൊരു അവസരം ഒരുക്കിയിരിക്കുന്നത്.ലോകത്ത് എവിടെയും ലഭിക്കാത്ത മദ്യ ബ്രാൻഡുകൾ കിട്ടുന്നയിടമെന്ന പ്രത്യേകത മാത്രമല്ല, കുടിക്കാനും കുളിക്കാനും അവസരമൊരുക്കി എന്നതും ഈ ബ്രൂവറിയുടെ പ്രത്യേകതയാണ്.

ലോകത്തില്‍ ആദ്യമായി ബീയര്‍ പൂള്‍ സംവിധാനമൊരുക്കിയ ഇടമാണിത്. എഴുനൂറു വര്‍ഷത്തോളം പഴക്കമുള്ള സ്ട്രക്കെൻബർഗർ കാസിലിന്റെ ഉൾവശതുള്ള നിലവറയാണ് പൂളാക്കി മാറ്റിയിരിക്കുന്നത്. ഏഴിലധികം പൂളുകൾ ഇവിടെയുണ്ട്. അതും 13 അടി താഴ്ചയിൽ! പക്ഷെ കാശ് അല്പം കൂടുതലാണ്. അല്ല, ബിയറിലൊക്കെ കുളിക്കുമ്പോൾ അതിനിത്തിരി വിലകൂടിയാലും ആർക്കും സരമുണ്ടാകില്ല.. രണ്ടു മണിക്കൂറിനു 18500 രൂപയാണ് ചാർജ് ഈടാക്കുന്നത്.. അപ്പോൾ ഇനി ബിയറിലൊന്നു കുളിച്ചാലോ ?